एजेन्सी ।
शाहरुख खान, नयनतारा र विजय सेतुपतिको आगामी फिल्म ‘जवान’ लाई फ्यानहरू उत्सुकताका साथ पर्खिरहेका छन् । यो फिल्म सेप्टेम्बर ७ मा दर्शकको सामु आउँदैछ । यद्यपि फिल्मले रिलिज अगावै कमाइको कीर्तिमान बनाएको छ । यो फिल्मको संगीत करोडौँमा बिक्री भएको बताइएको छ । रिपोर्टका अनुसार टी–सिरिजले जवानको म्युजिक लेबल ३६ करोडमा किनेको छ । यस्तो अवस्थामा शाहरुख खानको फिल्म पठानले फेरि एकपटक बक्स अफिसमा धमाका मच्चाउने देखिन्छ । यसबारेमा बलिउड लाइफको रिपोर्टका अनुसार यस फिल्मको म्युजिक राइट्स किन्न धेरै कम्पनीहरूबीच ठुलो प्रतिस्पर्धा भएको थियो तर अन्ततः भूषण कुमारको टी–सिरिजले जित हासिल गरेको थियो ।
रिपोर्टमा भनिएको छ, ‘यो एक रेकर्ड सेटिङ सम्झौता हो जुन पहिले कहिल्यै देखिएको थिएन। यो दाबीलाई विश्वास गर्ने हो भने फिल्मले रिलिजअघि नै आफ्नो बजेटको आधा कमाइसकेको छ ।’ शाहरुख खानको यो आगामी फिल्म धेरै हिसाबले विशेष छ। पहिलो कुरा त शाहरुख खान यस फिल्ममा साउथ स्टार नयन तारासँग रोमान्स गर्दैछन् । यससँगै उनले पर्दामा विजय सेतुपतिसँग प्रत्यक्ष सामना गर्नेछन् । यो फिल्मका निर्देशक एटली कुमारले शाहरुख खानसँग पहिलोपटक ठुलो प्रोजेक्टमा काम गरिरहेका छन् ।
