देवदह // देवदह नगरपालिका वडा नं ७ स्थित शितलनगर अविनास चर्च भवनको उद्घाटन गरिएको छ। बिहिवार एक समारोहका विच रुपन्देही क्षेत्र नं १ का प्रतिनिधि सभा सदस्य माननीय छबिलाल विश्वकर्माले भवनको उद्घाटन गर्नुभएको हो।
भवनको उद्घाटन गर्दै माननीय छबिलाल विश्वकर्माले सबै धर्म संस्कृतिको सम्मान गर्दै सबैको अधिकार सुनिश्चित गर्नु पर्नेमा जोड दिनुभयो।
कार्यक्रममा भवन निर्माणका लागी आर्थिक सहयोग गर्ने सहयोग दाता, भवन बनाउने र चर्चमा प्राथना गर्नेलाई आयोजकले सम्ममान गरेको थियो।
चर्चका पादरी आमोस खड्काको अध्यक्षतामा सम्पन्न कार्यक्रममा देवदह नगरपालिका नगर उप प्रमुख विद्या लक्ष्मी गुरुङ, देवदह नगरपालिका वडा नं ७ का वडा अध्यक्ष कृष्ण प्रसाद अधिकारी, देवदह प्रहरी चौकीका प्रहरी निरिक्षक डाक्टर प्रसाद चौधरी, क्रिष्चियन धर्मका अनुयायीहरुको उपस्थिती रहेको थियो। कार्यक्रम भिम सेन घिमिरेको सञ्चालनमा भएको थियो।
