कंचन ।
रुपन्देहीको कञ्चन गाउँपालिकाकै एकमात्र उच्च शैक्षिक संस्था हरैया बहुमुखी क्याम्पसले एक कार्यक्रमका बीच हरितालिका तीज पर्वको अवसरमा सुभकामना आदान प्रदान कार्यक्रम सम्पन्न गरिएको छ । विभिन्न समूह बनाएर विद्यार्थीहरुले तीज गीत नृत्य प्रस्तुत गरेको उक्त कार्यक्रममा प्राध्यापक केबि धुवाँलेको शब्द रचनामा मादलको तालमा मौलिक ढङ्गले प्रस्तुत गरिएको गीत र नृत्यले माहोल रमाइलो बनाएको थियोे ।
कार्यक्रममा शुभकामना मन्तव्य व्यक्त गर्दै क्याम्पस प्रमुख प्रकाश खनालले संस्कृतिको जगेर्नामा सक्रिय विद्यार्थी र प्राध्यापकहरुको मुक्तकण्ठले प्रशंसा गर्नुभएको थियोे । कार्यक्रम क्याम्पस प्रमुख प्रकाश खनालको अध्यक्षता , प्राध्यापक शिवकला खनालको सञ्चालन र प्राध्यापक केबि धुवाँलेको सञ्चालनमा सम्पन्न भएको हो । उक्त कार्यक्रममा सहभागी विद्यार्थीहरुलाई मायाको चिनोसहित सम्मान समेत गरिएको थियो ।
