देवदह ।
रुपन्देहीको देवदह ७ मा रहेको सगरमाथा आवासीय माध्यमिक विद्यालयले हाजिरीजवाफ प्रतियोगिता सम्पन्न गरेको छ। विद्यालयमा क्रियाशील इन्ट्र्याक क्लब अफ सगरमाथाको आयोजनामा जोन ४ लेभल हाजिरीजवाफ प्रतियोगिता सम्पन्न भएको हो। छनोट चरणबाट उत्कृष्ट ६ टिमलाई सहभागी गराइ प्रतिस्पर्धा गराइएको उक्त प्रतियोगितामा इन्ट्र्याक क्लब अफ न्यु होराईजन प्रथम, इन्ट्र्याक क्लब अफ दिप बोर्डिङ द्धितीय र इन्ट्र्याक क्लब अफ कालिकाले तृतीय स्थान हासिल गर्न सफल भएको थियो। कार्यक्रममा सहायक प्राचार्य प्रदीप अधिकारी र अंकुर पोख्रेलज्यूले क्वीज मास्टरको भूमिका निर्वाह गर्नुभएको थियो। उक्त कार्यक्रममा सगरमाथा आवासीय मा।वि।का प्राचार्य कृष्ण प्रसाद पौडेलले कार्यक्रमको सफलताको कामना गर्दै सम्पूर्ण सहभागी विद्यार्थीहरुलाई शुभकामना व्यक्त गर्नुभएको थियो।
उक्त कार्यक्रममा दिप्सन अधिकारी, सुन्दर पाण्डे, जयकिसन अधिकारी, लेखनाथ काफ्ले, कृष्ण गैरे लगाएत जोन ४ का सदस्यहरुको उपस्तिथि रहेको थियो। इन्ट्र्याक क्लब अफ सगरमाथा देवदहका उपाधक्ष आस्था ढकालको अध्यक्षतामा र इन्ट्र्याक डिस्ट्रीक ३२९२ डि आई सि सि सुरज खरेलको प्रमुख अतिथित्यतामा भएको प्रतियोगिता इन्ट्र्याक क्लब अफ सगरमाथा देवदहका निर्वाचित सचिव नेत्र भुषालको सञ्चालनमा सम्पन्न भएको थियो।
