देवदह । रुपन्देहीको देवदहमा पिस पोस्टर प्रतियोगिता हुने भएको छ। लायन्स क्लब अफ देवदह प्रोफेसनल युथले देवदहका ११ देखी १३ वर्ष उमेर समुहका बालबालिकाहरुको बिचमा अन्तराष्ट्रिय स्तरको पिस पोस्टर प्रतियोगिता आयोजना गर्ने भएको हो।
क्लबले डेअर टु ड्रिम विषयमा यहि असोज १९ गते देवदह ईङ्लिस बोर्डिङ स्कुलको सभाहलमा उक्त प्रतियोगिता गर्ने कार्यक्रम संयोजक क्लबका तेस्रो उपाध्यक्ष लायन नबिन थापाले जानकारी गराउनुभएको थियो।
प्रतियोतामा प्रथम, दितीय र तृतिय हुने विधार्थीहरुले ट्रफी, मेडल, प्रमाणपत्र तथा गिफ्ट ह्याम्पर प्राप्त गर्नेछन्। साथै प्रतियोगितामा प्रथम हुने विधार्थीलाई लायन्स क्लब इन्टरनेसनल ३२५ पी नेपालमा प्रतियोगीको लागि छनोट गरिने र लायन्स क्लब इन्टरनेसनल ३२५ पी नेपालबाट प्रथम, दितिय र तृतीय हुने विधार्थीहरुलाई इन्टरनेसनल प्रतियोगीतामा सहभागी गराईने क्लबका अध्यक्ष लायन कमल पौडेलले बताउनुभयो।
हत्या, हिम्सा, आतंक, अशान्ति आदिबाट बालबालिकाहरुलाई पर्नजाने मनोबैज्ञानिक असरलाई न्युनिकरण गर्ने हेतुले लायन्स क्लब अन्तर्राष्ट्रियले पिस पोस्टर प्रतियोगिता हरेक बर्ष गर्दै आईरहेको छ।
