दाङ । दाङकाे भालुवाङमा बसकाे ठक्करबाट एक युवककाे ज्यान गएकाे छ । बसकाे ठक्करबाट कपिलवस्तु वाणगङ्गा नगरपालिका—४ घर भइ भालुवाङ पुल्चोक बजारमा व्यवसाय गर्दै आएका अन्दाजी २४ वर्षीया विजय खनालको ज्यान गएकाे प्रहरीले जनाएको छ ।
काठमाण्डाैबाट सुर्खेतका लागि छुटेकाे ना ७ ख ५९७१ नम्बरको बसले बाटाे काट्ने समयमा खनाललाई ठक्कर दिएको थियो । बसकाे ठक्करबाट गम्भीर घाइते भएका खनालकाे उपचारका क्रममा भालुवाङ अस्पतालमा ज्यान गएकाे इलाका प्रहरी कार्यालय भालुवाङले जनाएको छ । ठक्कर दिने बसका चालकलाई पक्राउ गरि अनुसन्धान भईरहेको छ ।
यो समाचार पढेर हजुरले कस्तो महसुस गर्नुभएको छ ??
