एजेन्सी ।
अष्ट्रेलियाको जंगलमा भएको भिषण आगलागी अझै नियन्त्रणमा आउन सकेको छैन । अष्ट्रेलियाको क्वीन्स्ल्याण्ड नजिकको तारा क्षेत्रमा रहेको जंगलमा हिजोदेखि फैलिएको आगो नियन्त्रण बाहिर गएको छ ।
आगलागी नियन्त्रणका लागि सयौं अग्नी नियन्त्रकहरु र हेलिकप्टर परिचालन गरिएको छ । आगलागीमा परि हालसम्म २ जनाको मृत्यु भएको छ भने १६ वटा घर जलेर नष्ट भएका छन् । जलवायु परिवर्तनको असरका कारण आगलागी भएको अनुमान गरी मौसमबिदहरुले डढेलो समेत लाग्न सक्ने चेतावनी जारी गरेको छ ।
आगलागीले ठूलो क्षति निम्ताउन सक्ने आंकलन गरी जंगल वरिपरिका ३५० घरपरिवारलाई सुरक्षित स्थानमा सारिएको छ । आगलागीका कारण ११ हजार हेक्टर जंगल जलेर नष्ट भएको छ ।
यो समाचार पढेर हजुरले कस्तो महसुस गर्नुभएको छ ??
