बुटवल ।
आज राति नेपालमा खण्डग्रास चन्द्रग्रहण लाग्दैछ । राति १ बजेर १९ मिनेटमा स्पर्श हुने चन्द्रग्रहणको सुतक दिउँसो ४ बजेर १९ मिनेटदेखि शुरु हुने नेपाल पञ्चाङ्ग निर्णायक विकास समितिले जनाएको छ । राति २ बजेर ३८ मिनेटमा ग्रहण समाप्त हुने समितिले जनाएको छ । खण्डग्रास चन्द्रग्रहण नेपालका सबै भागबाट देख्न सकिनेछ । यस्तै, एसिया, युरोप र अफ्रिकाका सबै भागबाट र अस्ट्रेलिया तथा उत्तर र दक्षिण अमेरिकाका केही ठाउँबाट पनि ग्रहण देखिनेछ ।
यो चन्द्रग्रहण यस वर्ष अर्थात् २०८० मा लाग्ने एउटै ग्रहण हो । गएको वर्ष कात्तिक ८ गते सूर्यग्रहण र २२ गते चन्द्रग्रहण लागेको थियो । सूर्यग्रहण औँसी र चन्द्रग्रहण पूर्णिमामा लाग्ने गर्छ ।
यो समाचार पढेर हजुरले कस्तो महसुस गर्नुभएको छ ??
