काठमाडौं ।
लागुऔषध कारोबारीलाई नियन्त्रणमा लिन प्रहरीले काठमाडौंमा गोली चलाएको छ । बुधबार दिउँसो काठमाडौंको गोठाटारमा ब्राउन सुगर कारोबारीलाई नियन्त्रणमा लिन प्रहरीले गोली चलाएको जनाएको हो ।
काठमाडौं उपत्यका अपराध अनुसन्धान कार्यालयका अनुसार पक्राउ परेका व्यक्त भारतीय नागरिक मोहम्मद करीम रहेका छन। प्रहरीले चलाएको गोली लागेर उनी घाइते भएका छन् । उनको तिघ्रामा चोट लागेको छ।
प्रहरीले एकजना नेपालीलाई समेत पक्राउ गरेको छ । प्रहरीले ती लागुऔषध कारोबारीको साथबाट तीन राउण्ड गोलीसहित पेस्तोल बरामद गरेको छ । घटनाबारे अनुसन्धान भइरहेको प्रहरीले जनाएको छ ।
यो समाचार पढेर हजुरले कस्तो महसुस गर्नुभएको छ ??
