गुल्मी ।
सुन्तलाकाे केस्रा अड्किएर गुल्मीमा तीन वर्षीय बालककाे ज्यान गएको छ । जिल्लाको मालिका गाउँपालिका–५ छापहिलेका आयुष ठकुरीको सुन्तला खाने क्रममा केस्रा अड्किएर ज्यान गएको जिल्ला प्रहरी कार्यालय गुल्मीले जनाएको छ ।
प्रहरीका अनुसार आज बिहीवार दिउँसोको समयमा आमाछोरा घरको छतमा बसेर घाम ताप्दै सुन्तला खाने क्रममा छोरा आयुषको घाँटीमा सुन्तलाकाे दुई वटा केस्रा अड्किएकाे थियाे ।
सुन्तलाकाे केस्रा अड्किएर सास फेर्न गाह्रो भएपछि आयुषलाई उपचारका लागि गुल्मी अस्पताल लगेकाे र उपचारका क्रममा ज्यान गएको प्रहरीले जनाएको छ ।
यो समाचार पढेर हजुरले कस्तो महसुस गर्नुभएको छ ??
