रुपन्देही । रुपन्देहीको लुम्बिनी सांस्कृतिक नगरपालिका –४ महुवारीमा स्कुल बसको ठक्करबाट दुई जनाको ज्यान गएको छ भने एक जना घाइते भएका छन् ।
सूर्यपूरा–३ सिद्धार्थ बोर्डिंग स्कुलको लु१क १७७८ नम्बरको बसले लु ३७ प ८४८२ मोटरसाइकललाई पछाडिबाट ठक्कर दिँदा मोटरसाइकलमा रहेका दुई जनाको ज्यान गएको प्रहरीले जनाएको छ ।
जिल्ला प्रहरी कार्यालय रुपन्देहीका अनुसार ज्यान गुमाउनेमा लुम्बिनी सांस्कृतिक नगरपालिका–४ का २१ वर्षीय मोहम्मद इरसाद र १६ वर्षीया रुक्सना खातुन रहेका छन । घटनापछि स्थानीय बासिन्दाले ठक्कर दिने बस जलाएका छन् । दुर्घटनामा घाइते १७ वर्षीया अप्सना खातुनको भैरहवामा रहेको युनिभर्सल मेडिकल कलेजमा उपचार भइरहेको छ।
यो समाचार पढेर हजुरले कस्तो महसुस गर्नुभएको छ ??
