काठमाडौं ।
नेकपा एमालेले सुदूरपश्चिमको बैतडीबाट शुरु गरेको संकल्प यात्रा सम्पन्न भएको छ । मंसिर १४ गते बैतडीस्थित झुलाघाटमा झण्डोत्तलन गरी शुरु गरिएको यात्रा मध्यपहाडी लोकमार्गमा पर्ने जिल्लाहरु हुँदै पाँचथरको चिवाभञ्ज्याङ पुगर समापन गरिएको पार्टीले जनाएको छ ।
चिवाभञ्ज्याङमा एमाले अध्यक्ष केपी शर्मा ओलीले राष्ट्रिय झन्डा फहराएर यात्रा समापन गर्नुभएको हो ।समापन समारोहलाई सम्बोधन गर्दै अध्यक्ष ओलीले देशको राजनीतिलाई अब अलपत्र छाड्न नसकिने बताउनुभयो । गठबन्धन सरकारले जनतामा निराशा बढाउने काम मात्रै गरेको भन्दै उहाँले राजनीतिलाई सही बाटोमा ल्याएर निकास निकाल्नुपर्ने बताउनुभयो ।
यो समाचार पढेर हजुरले कस्तो महसुस गर्नुभएको छ ??
