एजेन्सी ।
भारतको बैंगलुरुमा फुड पोइजनिङका कारण एक महिलाको मृत्यु भएको छ । त्यहाँको होसकोते भन्ने सहरमा डिसेम्बर २५ मा फुड पोइजनिङको घटनामा अरू ७० जना जति अस्पतालमा भर्ना गर्नु परेको भारतीय समाचार संस्था प्रेस ट्रस्ट अफ इन्डिया पिटिआईले एक समाचारमा भनेको छ ।
शनिबार होसकोते सहरमा रहेको एक मन्दिरमा मानिसहरूको ताँती लागेको थियो । त्यहाँ प्रसाद बाँडिएको थियो । भोलिपल्ट देखि केहीमा झाडापखाला र बान्ताको समस्या देखिएर अस्पताल नै भर्ना गर्नु पर्यो। यस्तै लक्षण देखिएर आइतबार मध्याह्न अस्पताल भर्ना भएकी एक महिलाको मृत्यु भयो ।
सहरका कयौँ अस्पतालमा ७० जनालाई भर्ना गरिएको थियो । प्रसाद नै नखाएका केही व्यक्तिहरूमा पनि झाडापखाला र बान्ताको समस्या देखिएर अस्पताल ल्याइएको थियो ।
यो समाचार पढेर हजुरले कस्तो महसुस गर्नुभएको छ ??
