एजेन्सी ।
पाकिस्तान क्रिकेट बोर्डले मोहम्मद रिजवानलाई टी–२० टोलीको नयाँ उपकप्तान बनाएको छ । उनले शादाब खानको स्थान लिनेछन् । रिजवान पाकिस्तानका लागि टी–२० मा ओपनिङ गर्छन् । सन् २०२१ को टी–२० विश्वकपमा उनले भारतविरुद्ध विजयी अर्धशतक लगाएका थिए ।
बोर्डले पुरुष टोलीका सबै विदेशी प्रशिक्षक स्टाफलाई पनि हटाएको छ । मुख्य प्रशिक्षक ग्रान्ट ब्राडबर्न इंग्लिस काउन्टी टोली ग्लेमोर्गनसँग आबद्ध पनि भइसकेका छन्। नयाँ प्रशिक्षकलाई नियुक्त गरिएको छैन । टोलीले जनवरी १२ देखि न्युजिल्याण्डविरुद्ध ५ वटा टी–२० खेलको शृङ्खला खेल्न लागेको छ । पाकिस्तानको टोली पछिल्लो समय खराब फर्मबाट गुज्रिरहेको छ । टोलीले हालै अस्ट्रेलियाविरुद्धको टेस्ट शृङ्खला ३–० ले गुमाएको थियो ।
यो समाचार पढेर हजुरले कस्तो महसुस गर्नुभएको छ ??
