देवदह । रुपन्देहीको देवदह-७ स्थित सगरमाथा आवासीय माध्यमिक विद्यालयमा बसन्तपंचमीको पावन अवसरमा सरस्वतीपूजा, पुरस्कार वितरण एवम् अक्षराम्भ कार्यक्रम सम्पन्न भएको छ । धार्मिक विधि अनुसार सरस्वतीको पूजा सम्पन्न भइसकेपछि शैक्षिक सत्र २०७९ मा विभिन्न विद्यामा प्रथम द्धितिय र तृतिय हुने विद्यार्थीहरुलाई पुरस्कार प्रदान गरिएको थियो ।
कार्यक्रमलाई सम्बोधन गर्दै विद्यालयका प्राचार्य श्री कृष्ण प्रसाद पौडेलले शिक्षा, खेलकुद, साहित्य र जीवनका सबै प्रकृयामा सरस्वती माताको अनुकन्पा आवश्यक पर्ने हुँदा सबैले सरस्वतीको पूजा आराधाना गर्नुपर्नेमा जोड दिनुभयो।
अक्षराम्भ कार्यक्रममा ११० जना विद्यार्थी भर्ना भएको विद्यालयका लेखापाल सुनिल पौडेलले जानकारी दिनुभयो। उक्त कार्यक्रम विद्यालयका प्राचार्य श्री कृष्ण प्रसाद पौडेलको अध्यक्षता विद्यालय व्यावस्थापन समितिका अध्यक्ष दिल्लीराज मरासिनिको प्रमुख आतिथ्यता र सहप्राचार्य लेखनाथ काफ्लेको सञ्चालनमा सम्पन्न भएको थियो ।
