काठमाडौं ।
पूर्वपश्चिम राजमार्गअन्तर्गत मोरङको बेलबारी सडकखण्डमा आज बिहान भएको सवारी दुर्घटनामा तीन जनाले ज्यान गुमाएका छन । मृत्यु हुनेहरूमा झापाको कमल गाउँपालिका– २ का ५२ वर्षीय यदुकान्त भट्टराई, ४४ वर्षीया दीपा खनाल र ३६ वर्षीय कृष्ण गजुरेल रहेको इलाका प्रहरी कार्यालय बेलबारीले जनाएको छ । बेलबारीबाट पूर्वतर्फ जाँदै गरेको मे १ ज २८५६ नम्बरको जिपलाई पूर्वबाट पश्चिमतर्फ जाँदै गरेको प्र.२–००१ ख ९६७६ नम्बरको ट्रिपरले ठक्कर दिँदा दुर्घटना भएको बताइएको छ ।ट्रिपरले जिपलाई ठक्कर दिनुभन्दा पहिले काठमाडौंतर्फ जाँदै गरेको प्रदेश ३–क–००१ ख २७१८ नम्बरको यात्रुवहाक बसलाई समेत ठक्कर दिएको प्रत्यक्षदर्शीले बताएका छन ।
दुर्घटनामा गम्भीर घाइते भएका हरि खनाल र गायत्री भट्टराईको विराटनगरस्थित न्यूरो अस्पतालमा उपचार भइरहेको छ । प्रहरीले ट्रिपर र चालक सुन्दरहरैचा–७ का चन्द्रबहादुर विकलाई नियन्त्रणमा लिएर आवश्यक अनुसन्धान गर्दैछ ।
