काठमाण्डौ ।
राष्ट्रिय सभाका १९ जना नवनिर्वाचित सांसदहरूले आज सोमबार शपथ ग्रहण गरेका छन् । संघीय संसद भवनको लहोत्से हलमा राष्ट्रिय सभाकी उपाध्यक्ष उर्मिला अर्यालबाट उनीहरुले पद तथा गोपनीयताको शपथ लिएका हुन् ।
फागुन २० गते आइतबार राष्ट्रिय सभाका अध्यक्ष गणेशप्रसाद तिमिल्सिनासहित ६ वर्षे कार्यकाल सकिएका २० जना सांसदहरुको बिदाइ गरिएको थियो भने नयाँ सांसदहरुलाई स्वागत गरिएको थियो ।
आज शपथ लिएका नवनिर्वाचित सदस्यहरुमा रुकमिणी कोइराला, कृष्णप्रसाद सिटौला, पूजा चौधरी, आनन्दप्रसाद ढुंगाना, विष्णुदेवी पुडासैनी, जितजङ्ग बस्नेत, मनरुपा शर्मा, पदमबहादुर परियार, किरणबाबु श्रेष्ठ, विष्णुकुमारी सापकोटा, झक्कुप्रसाद सुवेदी, सावित्री मल्ल, विष्णुबहादुर विश्वकर्मा, कृष्णबहादुर रोकाय, रेनु चन्द, नारायणदत्ता भट्ट र बलदेव बोहरा रहेका छन् ।
यो समाचार पढेर हजुरले कस्तो महसुस गर्नुभएको छ ??
