काठमाण्डौ ।
सन् २०२३ मा विश्वका ५९ देशका करिब २८ करोड २० लाख ५९ देशका करिब २८ करोड २० लाख मानिस भोकमरीको चपेटामा आएका छन् । संयुक्त राष्ट्र संघ (यूएन)ले सार्वजनिक गरेको ‘ग्लोबल रिपोर्ट अन फुड क्राइसिस’बाट यो जानकारी बाहिरिएको हो । प्रतिवेदनका अनुसार २०२२ मा २ करोड ४ करोडभन्दा बढी मानिसहरूले अति भोकमरीको सामना गर्नुपरेको थियो ।
गाजापट्टी र सुडानमा बिग्रँदै गइरहेको खाद्य सुरक्षाका कारण यस्तो भएको बताइएको छ । अन्तर्राष्ट्रिय विज्ञहरूले भोकमरीको मापदण्ड तय गरेका छन् । यो मापदण्डका अनुसार पाँच देशका ७ लाख ५ हजार मानिस पाँचौँ चरणमा छन् । यो भोकमरीको चरम स्तर हो । एफएओले सन् २०१६ मा विश्वव्यापी प्रतिवेदन सार्वजनिक गर्नथाले यता भोकमरीबाट पीडितको यो सबैभन्दा बढी संख्या भएको संयुक्त राष्ट्रसंघको खाद्य तथा कृषि सङ्गठनका प्रमुख अर्थशास्त्री म्याक्सिमो टोरेरोले बताएकी छिन् । संयुक्त राष्ट्रसंघको प्रतिवेदन अनुसार दक्षिण सुडान, बुर्किना फासो, सोमालिया र मालीमा हजारौँ मानिस भोकमरीबाट पीडित छन् । जुलाईसम्म गाजामा ११ लाख र दक्षिण सुडानमा ७९ हजार मानिस पाँचौँ चरणमा पुग्न सक्ने प्रतिवेदनको अनुमान छ । -एजेन्सी
