काठमाण्डौ ।
इन्डियन प्रिमियर लिग (आईपीएल) क्रिकेटको १७औँ संस्करणमा मंगलबार दिल्ली क्यापिटल्सले राजस्थान रोयल्सको सामना गर्दैछ । खेल दिल्लीस्थित अरुण जेट्ली स्टेडियममा राति ७ः४५ बजे सुरु हुनेछ । जारी सिजनको आईपीएलमा खेल्न लागिएको यो ५६औँ खेल हो ।
आईपीएलको जारी सिजनमा राजस्थानले खेल्न लागेको यो ११औँ खेल हो । दिल्लीले भने १२औँ खेल खेल्न लागेको हो । जारी सिजनको आईपीएलमा दिल्लीभन्दा राजस्थान निकै बलियो देखिएको छ । यसअघि खेलिएको १० मध्ये आठ खेलमा राजस्थान विजयी भएको छ ।
राजस्थान केवल दुई खेलमा पराजित भएको छ । १६ अंकसहित राजस्थान तालिकाको दोस्रो स्थानमा आसिन छ । दिल्लीले भने यसअघि खेलिएको ११ मध्ये पाँच खेलमा जित र ६ खेलमा हारको नतिजा निकालेको छ । दिल्ली १० अंकसहित तालिकाको छैटौँ स्थानमा छ ।
दिल्ली र राजस्थानबिच जारी सिजनको आईपीएलमा खेल्न लागिएको यो दोस्रो खेल हो । यसअघि खेलिएको खेलमा राजस्थानले दिल्लीलाई १२ रनले हराएको थियो।
-एजेन्सी
