नेपालगन्ज ।
बाँकेको नेपाल–भारत जमुनाहा नाका आज रातीदेखि दुई दिनका लागि बन्द हुने भएको छ । भारतको उत्तरप्रदेश राज्यको बहराइच जिल्लामा हुन लागेको लोकसभा निर्वाचनका लागि सीमानाका आज राति साढे १० बजेबाट सोमबार बेलुका ५ बजेसम्म दुई दिन बन्द गर्न लागिएको जिल्ला प्रशासन कार्यालय, बाँकेले जानकारी गराएको छ । सोमबार हुने निर्वाचनमा कुनै प्रकारको असुरक्षा नहोस भनेर नै नाका बन्द गर्न लागिएको हो ।
नेपाल र भारत दुवै देशमा विभिन्न तहका निर्वाचन हुने समयमा विगतमा पनि सीमा नाका बन्द हुँदै आएका थिए।
यो समाचार पढेर हजुरले कस्तो महसुस गर्नुभएको छ ??
