काठमाण्डौ ।
प्रमुख प्रतिपक्ष दल नेपाली कांग्रेसले सरकारविरुद्ध काठमाडौंमा प्रदर्शन गर्ने निर्णय गरेको छ । पार्टीको आज बुधबार सानेपास्थित मुख्यालयमा बसेको पार्टी केन्द्रिय कार्य समिति र संसदीय दलको संयुक्त बैठकले यही जेठ १३ गते आइतबार अपरान्ह दिनको २ बजे काठमाडौंको प्रर्दशनीमार्गमा सरकारविरुद्ध प्रदर्शन गर्ने निर्णय गरेको जनाएको छ ।
कांग्रेसले संसदीय प्रक्रियालाई मिचेर गलत ढंगले अध्यादेशबाट बजेट ल्याउन लागेको, सहकारी ठगीको विरोध र पीडितको पक्ष र प्रेस स्वतन्त्रताको पक्षमा उभिनका लागि आम जनतालाई आह्वान गर्न सो बिरोध प्रदर्शनको कार्यक्रम आयोजना गर्न लागिएको पनि बताएको छ ।
यो समाचार पढेर हजुरले कस्तो महसुस गर्नुभएको छ ??
