जापानमा ‘मासु खाने ब्याक्टेरिया’को प्रकोप

के हो एसटीएसएस ?

स्ट्रेप्टोकोकस ब्याक्टेरिया दुई प्रकार छन् – ग्रुप–ए र ग्रुप–बी । ग्रुप ए स्ट्रेप्टोकोकसमा एक भन्दा धेरै अंग फेलियर हुन्छन् । तत्कालै उपचार गरिएन भने यो रोगका कारण ज्यानै जान सक्छ । शुरुमा यो भ्यारिएन्टको संक्रमण भएकाहरूलाई चिसो, खोकी, ज्वरो वा घाँटी दुख्ने जस्ता समस्या देखिन्छ । रोगले गाँज्दै र्गपछि रक्तचाप घट्ने, मुटुको धड्कन बढ्ने वा अंग फेल हुने समस्या देखिन्छ । ग्रुप–बी स्ट्रेप्टोकोकस भने हानिकारक छैन । यो आन्द्रा लगायत ठाउँमा पाइन्छ ।

रोकथामका उपाय:

खुला घाउ भएका मानिसहरू एसटीएसएसको उच्च जोखिममा रहेको बताइएको छ । ब्याक्टेरियाले घाउमा एक प्रकारको विष छाड्छ र यसले मांसपेशी, रक्तनली र स्नायुलाई नष्ट गर्न थाल्छ । यो विष यति खतरनाक छ कि घाउ वा संक्रमित क्षेत्र सड्न थाल्छ । त्यसैले यो रोग लाग्न नदिन सरसफाइमा ध्यान दिने, संक्रमण देखिने बित्तिकै तत्कालै उपचार गराइहाल्ने, घाउ वा छालामा कुनै संक्रमण भए सोको विशेष ख्याल गर्नेजस्ता उपायहरू अपनाउन भनिएको छ ।

एसटीएसएस भएका आधाभन्दा बढी बिरामीमा यसको ब्याक्टेरिया शरीरभित्र कसरी छिर्‍यो भन्ने कुरा विज्ञहरूलाई पनि थाहा छैन । विश्व स्वास्थ्य संगठनका अनुसार सन् २०२२ को अन्त्यतिर कम्तीमा पाँच यूरोपेली देशमा ग्रुप–ए स्ट्रेप्टोकोकसको संक्रमण देखिएको थियो। कोभिडसम्बन्धी प्रतिबन्धहरू हटाउने बित्तिकै यसका बिरामीहरू बढेको देखिएको डब्ल्यूएचओले बताएको छ।

-एजेन्सी