काठमाण्डौ ।
नेपाललाई हराउँदै बंगलादेश विश्वकप टी–२० क्रिकेटको सुपर आठमा प्रवेश गरेको छ । सेन्ट भिन्सेन्टको किंग्सटाउनमा आज भएको खेलमा बंगलादेशले नेपाललाई २१ रनले हराउदै सुपर ८ मा प्रवेश गर्न सफल भएको हो ।
आज बिहान नेपालले टस जितेर फिल्डिङ रोजेपछि पहिले व्याटिङ गरेको बंगलादेशले १९ ओभर ३ बलमा अलआउट हुँदै १०६ रन जोड्यो । १०७ रनको लक्ष्य पछ्याएको नेपालले १९ ओभर २ बलमा अलआउट हुनुपुर्व ८५ रन मात्रै बनाउन सकेको हो ।
जितसँगै बंगलादेश सुपर आठमा प्रवेश गर्दा नेपालको विश्वकप यात्रा जितबिहीन भएको छ । आजको खेलमा दुई विकेट लिएका नेपालका सन्दिप लामिछानेले टी–२० अन्तराष्ट्रियमा आफ्नो सय विकेट पुरा गरेका छन् ।
यो समाचार पढेर हजुरले कस्तो महसुस गर्नुभएको छ ??
