काठमाण्डौ ।
आइतबार एकैदिन सुनको भाउ तोलामा २७ सय रुपैयाँले घटेको छ । आजको दिनका लागि सुनको भाउ प्रतितोला १ लाख ४२ हजार रुपैयाँ तोकेको नेपाल सुनचाँदी व्यवसायी महासंघले जनाएको छ ।
यसअघि शुक्रबार प्रतितोला १ लाख ४४ हजार ७ सय रुपैयाँ थियो । जेठ २५ गते सुनको भाउ हालसम्मकै उच्च प्रतितोला १ लाख ४५ हजार रुपैयाँ पुगेको थियो ।
त्यस्तै चाँदीको भाउ तोलामा ५० रुपैयाँ घटेर आज १८ सय १५ रुपैयाँमा कारोबार भईरहेको महासङ्घले जनाएको छ ।
यो समाचार पढेर हजुरले कस्तो महसुस गर्नुभएको छ ??
