काठमाण्डौ ।
उत्तर प्रदेशमा विगत ४–५ दिनदेखि नेपालसँग जोडिएका २० जिल्लामा बाढीको अवस्था छ । करिब २० लाख जनसंख्या बाढीको प्रभावमा परेका हुन् । पछिल्लो २४ घण्टामा राज्यमा वर्षाका कारण १० जनाको मृत्यु भएको छ । गोरखपुरमा राप्ती खतराको सतहभन्दा माथि पुगेको छ । ६० भन्दा बढी गाउँ डुबानमा परेका छन् । त्यहाँ खाल्डोमा डुबेर तीन बालिकाको मृत्यु भएको छ ।
उही समयमा वाराणसीमा, गंगाको बहावका कारण १५ भन्दा बढी घाटहरू डुबेका छन्। अर्कोतर्फ, बिहारमा पनि नेपालसँग जोडिएका क्षेत्रको अवस्था उस्तै छ । बेतिया, बगाहा, सीतामढी, मधेपुरा, अररियालगायत धेरै जिल्लामा बाढी आएको छ । मौसम विभागले अति भारी वर्षाको अलर्ट जारी गरेको राज्यहरूमा मध्य प्रदेश, महाराष्ट्र, छत्तीसगढ, गुजरात, केरला, आन्ध्र प्रदेश, पश्चिम बंगाल, नागाल्याण्ड, मणिपुर, मिजोरम, त्रिपुरा, ओडिशा, हिमाचल प्रदेश, उत्तराखण्ड, राजस्थान, पञ्जाब र हरियाणा पर्छन्। यसबाहेक गोवा, कर्नाटक, तमिलनाडुमा पनि वर्षा हुनसक्ने बताइएको छ ।
-एजेन्सी
