चितवन ।
त्रिशूलीमा बेपत्ता दुईवटा डिलक्स बस खोज्न प्रयोग गरिएको २० केजीको चुम्बक फेला परेको छ । बागमती प्रदेशका डीआईजी विष्णु केसीका अनुसार भारतीय प्राविधिकहरूले बस खोज्दा प्रयोग गरेको चुम्बक सिमलतालबाट करिब ३ सय मिटर तल फेला परेको हो ।
प्राविधिकहरूले बस खोज्न २० र ४० केजीको चुम्बक प्रयोग गरेका थिए। बस फेला नपरेपछि भारतबाट आएका विशेषज्ञहरू फर्किसकेका छन् ।
गत असार २८ गते बागमती प्रदेश–०३–००१ ख २४९५ नम्बरको गणपति डिलक्स र बागमती प्रदेश–०३–००६ ख १५१६ नम्बरको एन्जल डिलक्स त्रिशूलीमा खसेर बेपत्ता भएका हुन् । अहिलेसम्म बसमा सवार २५ जनाको शव भेटिएको छ ।
यो समाचार पढेर हजुरले कस्तो महसुस गर्नुभएको छ ??
