रुपन्देहीको देवदहमा आयोजित दोश्रो ईप्सा खेलकुद महोत्सव सम्पन्न भएको छ । पुर्वी क्षेत्र निजी विद्यालय परिवार (ईप्सा) देवदहको आयोजनामा आईतबार सम्पन्न कार्यक्रममा देवदह नगर प्रमुख ध्रुव प्रसाद खरेलले संस्थागत विद्यालयले शिक्षा संगै खेलकुदको विकासमा महत्वपूर्ण योगदान दिएको बताउनु भयो ।
ईप्सा रुपन्देहीका अध्यक्ष रामबहादुर गुरुङ्गको अध्यक्षतामा भएको कार्यक्रमका प्रमुख अतिथी समेत रहनु भएका खरेलले बेला बेलामा हुने यस्ता प्रतियोगिताले खेलाडी उत्पादन गर्ने बताउदै उत्पादन भएका खेलाडीलाई संरक्षण र सम्वद्र्धन गर्न आवश्यक रहेको औल्याउनु भयो । उहाले संस्थागत विद्यालयले अतिक्ति क्रियाकलापलाई महत्व दिएको बताउदै नगरपालिकाले संचालन गर्ने हरेक किसिमका प्रतियोगितामा संस्थागत विद्यालयका विद्यार्थी उत्कृष्ट हुने गरेको बताउनु भयो ।
पुर्वी क्षेत्र निजी विद्यालय एशोसियसन (ईप्सा) रुपन्देहीले आयोजना गरेको खेलकुद महोत्सव अन्र्तगत भएको एथलेक्टिस खेलमा देवदह बुद्धपव्लिक आवासीय माध्यमिक विद्यालयले १० वटा स्वर्ण जित्न सफल भएको छ । त्यसैगरी खेल महोत्सवमा सगरमाथा आवासीय माध्यमिक विद्यालयले ३, एशियनलाईट बोडिङ्ग स्कुल, देवदह बोडिङ्ग स्कुल, सेभेनस्टार बोडिङ्ग स्कुल, देवदह मदरटङ्गस एकेडेमीले २-२ स्वर्ण र कोलिय बोडिङ्ग स्कुलले एउटा स्वर्ण जित्न सफल भएको ईप्साले जनाएको छ ।
दोश्रो ईप्सा खेलकुद महोत्सवमा १५ वटा ईप्सामा आवद्ध संस्थागत विद्यालयका ९ सय ८० जना विद्यार्थीले भाग लिएको खेल संयोजक कमल पौडेलले जानकारी दिनु भयो। दोश्रो ईप्सा खेलकुद महोत्सव अन्र्तगत भएको छात्र तर्फको भलिवल प्रतियोगिताको उपाधी देवदह बुद्ध पव्लिक आवासीय माध्यमिक विद्यालयले हात पारेको छ । प्रतियोगिता अन्र्तगतको फाईनल खेलमा सेभेनस्टार बोडिङ्ग स्कुललाई सोझो सेटमा हराउदै उपाधी जित्न सफल भएको हो । उपाधी जिते संगै देवदह बुद्ध पव्लिक आवासीय माध्यमिक विद्यालयले नगद २५ हजार, ट्रफी प्राप्त गरेको छ । खेलमा उपविजेता बनेको सेभेनस्टार बोडिङ्ग स्कुलले नगद १५ हजार र ट्रफी प्राप्त गरेको छ । खेलमा सेभेनस्टार बोडिङ्ग स्कुललाई २५–२१, २५–११ म सोझो सेट जित्दै देवदह बुद्ध पव्लिक आवासी माध्यमिक विद्यालयले उपाधी उचालेको हो । प्रतियोगिता अन्र्तगत भएको पहिलो सेमिफाईलन खेलमा सगरमाथा आवासीय माविले सेभेनस्टारलाई सोझो सेटमा हराएपनि सगरमाथाले बाहिरी खेलाडी हालको उजुरी परेपछि सगरमाथा आवासीय मावि खेलबाट बाहिरिएको हो । प्रतियोगिता अन्र्तगत देवदह बोडिङ्ग स्कुल तृतिय हुदै नगद ५ हजार र ट्रफी प्राप्त गरेको छ ।
यसैगरी छात्रा तर्फ भएको भलिवल खेलमा देवदह बुद्ध पव्लिक आवासीय माध्यमिक विद्यालय प्रथम भएको छ । फाईनल खेलमा सगरमाथा आवासीय माध्यमिक विद्यालयलाई सोझो सेटमा हराउदै बुद्धपव्लिकले उपाधी हात पारेको हो । उपाधी प्राप्त गरेसंगै बुद्ध पव्लिक आवासीय माविले नगद २५ हजार, ट्रफी प्राप्त गरेको छ । खेलमा उपविजेता बनेको सगरमाथा आवासीय माध्यमिक विद्यालयले नगद १५ हजार, ट्रफी प्राप्त गरेको छ । फाईनल खेलमा २५–१३, २५–१७, २५–११ म तिन सेट जित्दै बुद्धपव्लिक आवासीय माविले उपाधी हात पारेको संयोजक पौडेलले बताउनु भयो । छात्रा तर्फ भएको भलिवल खेलमा एशिनलाईट बोडिङ्ग स्कुल र ग्रिनप्लान्ट आवासीय मावि तृतिय हुदै नगद ५÷५ हजार र ट्रफी प्राप्त गरेको छ । सचिव विनोद थापाको संचालनमा भएको कार्यक्रममा खेल संयोजक कमल पौडेल, सल्लाहकार बोधराज गौडेल लगायतले बोल्नु भएको थियो ।
