३ कात्तिक , काठमाण्डौ ।
मौसम बदली हुन थालेसँगै काठमाण्डौ उपत्यकाको अधिकतम तापक्रम घट्दै गएकोे छ । मगलबार २५ डिग्री सेल्सियस रहेको अधिकतम तापक्रम हिजो बुधबार २४ दशमलव ५ डिग्री सेल्सियसमा झरेको थियो । आजको तापक्रम पनि २४ देखि २५ डिग्री सेल्सियस पुग्न सक्ने अनुमान गरिएको छ । साथै आज पहाडी क्षेत्रको मौसम हल्कादेखि सामान्य बदली हुने अनुमान गरिएको छ । अहिले नेपालमा पश्चिमी वायूको प्रभाव रहेको छ । मनसुन सकिए पछि पश्चिमी वायूको प्रभाव हाबी हुने मौसमविद्ले बताएका छन् । खासगरी कर्णाली, सुदूरपश्चिम, लुम्बिनी र गण्डकी प्रदेशका पहाडी क्षेत्रहरुमा मौसम बदली भइ हल्का वर्षाको सम्भावना रहेको मौसमविद्ले जनाएका छन ।
यो समाचार पढेर हजुरले कस्तो महसुस गर्नुभएको छ ??
