६ कार्तिक, काठमाण्डौ ।
वरिष्ठ राजनीतिज्ञ मैयादेवी श्रेष्ठको ९५ वर्षको उमेरमा आज बिहान निधन भएको छ । निमोनियाबाट अस्वस्थ गत कार्तिक ४ गतेदेखि चितवन मेडिकल कलेजको अस्पतालमा उपचाररत श्रेष्ठको आज निधन भएको उनका धर्मपुत्र टङ्कनाथ पौडेलले जानकारी दिएका हुन ।
वरिष्ठ समाजसेवी श्रेष्ठमा श्वासप्रश्वासको समस्या देखिएको थियो । उनलाई गत असोज २५ गते सो अस्पताल भर्ना गरिएकामा पाँच दिनपछि घर लगिएको थियो । पुनः उनको स्वास्थ्य अवस्था जटिल भएपछि सो अस्पतालमा भर्ना गरिएको थियो । नेपाल आमा सम्मानबाट सम्मानित पूर्वसांसद श्रेष्ठ यहाँस्थित मैयादेवी कन्या क्याम्पसको संरक्षक हुन्। उनको विसं १९८५ असोज ५ गते फूलपातीका दिन तनहुँको बन्दीपुरमा श्रेष्ठको जन्म भएको थियो।
यो समाचार पढेर हजुरले कस्तो महसुस गर्नुभएको छ ??
