९ कार्तिक , काठमाडौं ।
२४ घण्टामा मुलुकभर थप १६ जनामा कोरोना संक्रमण पुष्टि भएको छ । १ हजार ११७ जनाको आरटी पीसीआर र एन्टिजेन विधिबाट परीक्षण गर्दा १६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको कुल संख्या ११ लाख ५२ हजार ६६४ पुगेको छ ।
मन्त्रालयका अनुसार हाल नेपालमा ६ सय ४१ जना कोरोनाका सक्रिय संक्रमितहरु विभिन्न आइसोलेशनमा उपचाररत छन् । कोरोनाका कारण ज्यान गुमाउनेको संख्या १२ हजार १९ पुगेकोल छ भने थप ३५ जना संक्रमितहरु निको भएका छन् । योसँगै नेपालमा कोरोना संक्रमणमुक्त हुनेहरुको कुल संख्या ९ लाख ८७ हजार ८६३ पुगेको छ ।
यो समाचार पढेर हजुरले कस्तो महसुस गर्नुभएको छ ??
