भैरहवा ।
रुपन्देहीको ओमसतिया ४ पननीमा भएको दुर्घटनामा फरार रहेका गाडी चालक पक्राउ परेका छन् । सोमबार बिहान पश्चिमबाट पूर्वतर्फ जाँदै गरेको गाडीले ठक्कर दिँदा छठ घाट रोहिणी खोला जाँदै गरेका तीनजनाको मृत्यु भएको थियो भने दुईजना घाइते भएका थिए । ठक्करपछि फरार रहेको चालक र गाडीलाई रुपन्देही प्रहरीले भैरहवाको गल्लामण्डीबाट पक्राउ गरेको जनाएको छ ।
अनुसन्धान गर्दै जादा रुपन्देहीको रोहिणी गाउँपालिका(३ घर हुने अजयकुमार चौधरीले चलाएको बा८च ६५३२ नम्वरको टाटा इन्डिका भिष्टा गाडीले ठक्कर दिई दुर्घटना भएको प्रहरीले जनाएको छ ।
दुर्घटनामा परेको गाडी सिद्धार्थनगर(४ पिपरहियामा त्रिपालले ढाकेर राखिएको अवस्थामा सोमबार साँझ र चालक चौधरीलाई गल्लामण्डीस्थित बजारबाट नियन्त्रणमा लिईएको हो । घाइते भएका २ जनाको भैरहवास्थित युनिभर्सल मेडिकल कलेजमा उपचार भइरहेको छ ।
यो समाचार पढेर हजुरले कस्तो महसुस गर्नुभएको छ ??
