रुपन्देहीको तिलोत्तमास्थित मणिग्राममा बिहीबारदेखि हुन लागेको दोस्रो तिलोत्तमा राष्ट्रिय औधोगिक ब्यापार मेला तथा पर्यटन महोत्सव २०७९ को तयारी पुरा भएको छ । मेलाको तयारी पुरा भएको आयोजक संस्था तिलोत्तमा उद्योग ब्यापार संगठनका अध्यक्ष प्रेम जीएमले जानकारी दिए ।
बिहीबार तिलोत्तमा नगरपालिकाका मेयरले महोत्सव उद्घाटन गर्ने जीएमले बताए । उक्त महोत्सवको सहआयोजकमा तिलोत्तमा चेम्बर अफ कमर्श र उद्योग बाणिज्य संघ तिलोत्तमा रहेका छन् । महोत्सवमा ३ सय स्टल रहने तिलोत्तमा उद्योग ब्यापार संगठनका सचिव युवराज पराजुलीले बताए ।
उक्त महोत्सवमा ब्याडमिन्टन, महिला कस्ती, डान्स आइडल लगायतका विभिन्न प्रतियोगिताहरु समेत राखिएको खेल संयोजक विवश थापाले जानकरी दिए । थापाका अनुसार महोत्सव मंसिर २६ गतेसम्म संचालन हुनेछ ।
कोभिड १९ को कारण उपयुक्त वातावरणमा मेला संचालन गर्न नपाएका उद्योगी ब्यवसायीले यसपटक मंसिर १५ बाटै मेला शुरु गर्नेभएका हुन् । मेलामा आकर्षक सेल्फी जोनको पनि निमार्ण गरिने र आकर्षक गेट समेत निर्माण गरिएको छ । मेला अवधिभर स्थानीय तथा राष्ट्यि कलाकारहरुको संगीतिक प्रस्तुति रहने सांस्कृतिक संयोजक भूपति न्यौपानेले बताए ।
कोभिड १९ पछि खुलेर मेला संचालन नभएको अवस्थामा यो मेला सबैका लागि आकर्षक हुने तिलोत्तमा चेम्बर अफ कमर्शका संस्थापक जेपी कडेंलले उल्लेख गरे । आम उपभोक्ता र ब्यापारी ब्यवसायीलाई नजिक बनाउन यो मेलाले सहज भुमिका खेल्ने विश्वास उनले ब्यक्त गरे । मेलामा कृषि र पर्यटनलाई पनि टेवा पुग्ने गरी स्टलहरु सहभागि गराईने तिलोत्तमा चेम्बर अफ कमर्शका अध्यक्ष बाबुलाल भूसालले बताए ।
मेला अविधिभर संचारकर्मी, कुटनीतिक निकायका प्रतिनिधि तथा सरकारी निकायका कर्मचारीलाई निःशुल्क प्रवेशको ब्यवस्था मिलाइएको आयोजकले जनाएका छन् ।
तिलोत्तमामा औधोगिक ब्यापार मेलाको तयारी पुरा
यो समाचार पढेर हजुरले कस्तो महसुस गर्नुभएको छ ??
1.3K
178
298
