यही नोभेम्बर महिनामा ७२ हजार ६ सय जनाभन्दा धेरै विदेशी पर्यटक नेपाल भित्रिएका छन् । नेपाल पर्यटन बोर्डले नोभेम्बर महिनामा ७२ हजार छ सय ५३ जना पर्यटक नेपाल भित्रिएको जनाएको छ । २० हजार पाँच सय ३२ जना सबैभन्दा धेरै भारतिय पर्यटक नेपाल आएका छन । दक्षिण एसियाबाट नेपाल आएका पर्यटकको सङ्ख्या २४ हजार पाँच सय ९९ जना रहेको छ भने एसियाका अन्य देशबाट नौ हजार चार सय १५ जना पर्यटक नेपाल आएको बोर्डले जनाएको छ ।
युरोपबाट १७ हजार दुई सय ९९ जना नेपाल आएकामा बेलायतका मात्रै पाँच हजार एक सय जना रहेका छन् । अस्ट्रेलिया र न्युजिल्यान्डबाट तीन हजार छ सय ७७ जना र अमेरिकी देशबाट नौ हजार १५ जना पर्यटक नेपाल आएका छन् । यस्तै मध्यपूर्वका देशबाट आठ सय ७६ जना र अन्य देशबाट सात हजार आठ सय ४२ जना गरी नोभेम्बरमा ७२ हजारभन्दा धेरै पर्यटक नेपाल आएका हुन् । गएको वर्षको नोभेम्बर महिनाको तुलनामा यो सङ्ख्या झन्डै तेब्बरले धेरै हो ।
नोभेम्बर महिनामा ७२ हजार ६ सय भन्दा धेरै विदेशी पर्यटक नेपाल भित्रिए
यो समाचार पढेर हजुरले कस्तो महसुस गर्नुभएको छ ??
3.5K
191
441
