एजेन्सी टिभी अभिनेत्री तुनिषा शर्माको आत्महत्या प्रकरणमा उनका सह–कलाकार शीजान खान पक्राउ परेका छन् । थाने जिल्लाको वालिव प्रहरीले शीजान खानमाथि आत्महत्या दुरुत्साहनको मुद्दा दर्ता गरेको छ । उनलाई सोमबार अदालतमा पेश गरिने छ । तुनिषा शर्माले शनिबार सुटिङको सेटमा नै आत्महत्या गरेकी थिइन् । उनी २० वर्षकी थिइन् ।
प्रहरीका अनुसार सुटिङका बेला ब्रेक हुँदा तुनिषा शर्मा आफ्नो मेकअप रुममा गएकी थिइन् तर उनी निश्चित समयमा सुटिङ स्थलमा पुगिनन् ।
उनले भने, ‘त्ससपछि केही मानिसहरु उनलाई भेट्न गए र बोलाए तर उनले ढोका खोलिनन् । ढोका खोलेर हेर्दा उनले आत्महत्या गरिसकेकी थिइन् ।’ एसीपी चन्द्रकान्तले तुनिषाकी आमाले उजुरी दिएको र अनुसन्धान भइरहेको बताए ।
यो समाचार पढेर हजुरले कस्तो महसुस गर्नुभएको छ ??
