टियु क्रिकेट मैदानमा जारी पहिलो संस्करणको फ्रेन्चाइज क्रिकेट प्रतियोगिता नेपाल टी–ट्वान्टी लिगमा लुम्बिनी अल स्टारले लगातार दोस्रो जित निकालेको छ। आइतबार भएको पहिलो खेलमा लुम्बिनीले विराटनगर सुपर किङसलाई २ रनले पराजित गर्दै दोस्रो जित हात पारेको हो ।
लुम्बिनीले दिएको १५८ रनको लक्ष्य पाएको विराटनगरले २० ओभरमा ६ विकेट गुमाएर १५५ रन मात्र बनाएको थियो । त्यसअघि टियु क्रिकेट मैदानमा टस हारेर पहिलो ब्याटिङ सुरु गरेको लुम्बिनीले निर्धारित २० ओभरमा ६ विकेट गुमाएर १५७ रन बनाएको थियो ।
विराटनगरका लागि नन्दन यादव, हुसेन तलात, शाहब आलम, आन्द्रे म्याकार्थी र सिकन्दर राजाले समान १र१ विकेट लिएका छन । जितसँगै लुम्बिनी ४ अंकका साथ अंक तालिकाको शीर्ष स्थानमै रहेको छ ।
यो समाचार पढेर हजुरले कस्तो महसुस गर्नुभएको छ ??
