बुटवलको हस्पिटललाईनमा पिकअप जिप दुर्घटना हुदाँ एक जनाको मृत्यु भएको छ। ग १ ज ६३६७ नम्बरको बोलेरो जिप गतराति दुर्घटनामा परेको थियो । दुर्घटनामा परि प्युठानको गौमुखी गाउँपालिका वडा नं १ का २८ वर्षिय रोशन गिरीको मृत्यु भएको प्रहरीले जनाएको छ। तिव्र गतिमा सडकको बायाँ साईडबाट गुडिरहेको उक्त जिप अनियन्त्रीत भई सडकको एउटा किनारबाट अर्को किनारमा पुगेको थियो ।
अर्को साईडमा पुगेको उक्त जिपले ठक्कर दिदाँ सोही स्थानका २९ वर्षिय सुरेश तामाङ र मिन बहादुर तामाङ घाईते भएका छन् भने घाईते मध्ये सुरेश तामाङको अवस्था गम्भीर रहेको ईलाका प्रहरी कार्यालय बुटवलले जनाएको छ। उक्त जिपले ठक्कर दिँदा सडक किनारमा रहेको बिजुलीको पोल समेत भाच्चिएको छ ।
यो समाचार पढेर हजुरले कस्तो महसुस गर्नुभएको छ ??
