पाल्पा//
पाल्पामा बसले ठक्कर दिँदा एक बृद्धाको मृत्यु भएको छ । आज दिउँसो तानसेन नगरपालिका १२ अर्गली तानसेन भित्री सडक खण्डमा गुल्मीबाट बुटवल तर्फ आउँदै गरेको लु १ ख ८३६१ नम्बरको बसमा सवार तानसेन नगरपालिका–१२ बौद्दपोखराकी ७७ वर्षीया पुतलि विश्वकर्मालाई बसबाट झरेपछि सोही बसले ठक्कर दिएको थियो ।
बसबाट झरी घरतर्फ जाने क्रममा सोही बसले ठक्कर दिँदा उनको मृत्यु भएकोे जिल्ला प्रहरी कार्यालय पाल्पाले जनाएको छ । घाइते विश्वकर्माको उपचारको क्रममा लुम्बिनी मेडीकल कलेज प्रभास पाल्पामा मृत्यु भएको हो । ठक्कर दिने बस र चालकलाई नियन्त्रण लिएको प्रहरीले जनाएको छ ।
यो समाचार पढेर हजुरले कस्तो महसुस गर्नुभएको छ ??
