भैरहवा ।
लुम्बिनी प्रेस क्लब, रुपन्देहीका नवनिर्वाचित पदाधिकारी, कार्यसमिति सदस्य तथा सल्लाहकारलाई जेसीआई सिद्धार्थ लेडी, नेपालले बधाई तथा शुभकामना दिदै क्लबलाई पानी फिल्टर हस्तान्तरण गरेको छ । जेसीआई सिद्धार्थ, नेपालले आज बुधबार क्लबको भवनमा आयोजित कार्यक्रममा चौथो अधिवेशनबाट निर्वाचित कार्यसमितिलाई बधाई तथा शुभकामना एवं पानी फिल्टर हस्तान्तरण गरेको हो ।
कार्यक्रममा बोल्दै प्रमुख अतिथि लुम्बिनी प्रेस क्लबका सल्लाहकार मनोरञ्जन शर्माले क्लबले जेसीआई सिद्धार्थ लेडी, नेपालसँग निरन्तर सहकार्य गर्दै जाने बताउनुभएको छ। त्यस्तै क्लबकी अध्यक्ष सम्झना शर्माले एकढिक्का हुन आवश्यक रहेको बताउनुभयो।
जेसीआई सिद्धार्थ, नेपाल वर्ष २०२३ की अध्यक्ष विष्णु पाण्डेको अध्यक्षता, कार्यक्रम संयोजक मीना ज्ञवालीको स्वागत, तालिक संयोजक प्रतिमा तिमिल्सनाको आस्था पाठ तथा शाखा सम्पादक मीनाक्षी क्षेत्रीको सञ्चालनमा सम्पन्न कार्यक्रममा जेसीआई सिद्धार्थ नेपालकी निवर्तमान अध्यक्ष प्रकृति उप्रेती, पूर्वअध्यक्ष पार्वती पौडेल लगायतको उपस्थिति रहेको थयो।
