बुटवल ।
अर्घाखाँचीमा भालुको आक्रमणबाट २ जना घाइते भएका छन् । सितगंगा नगरपालिका ७ का ५९ वर्षीय चोपबहादुर गाहा र ५० वर्षीय लालबहादुर रानालाई भालुले आक्रमण गरेको जिल्ला प्रहरी कार्यालय अर्घाखाँचीले नाएको छ । खेतमा बस्तुभाउ चराउँदै गर्दा गाहा र रानालाई शुक्रबार दिउँसो भालुले आक्रमण गरेको हो।
आक्रमण पछि स्थानीयले होहल्ला गर्दा भालु भागे पनि भालुको एउटा बच्चालाई नियन्त्रणमा लिएर प्रहरीलाई बुझाइएको छ । घाइते दुवै जनाको उपचार भईरहेको छ।
यो समाचार पढेर हजुरले कस्तो महसुस गर्नुभएको छ ??
