काठमाण्डौ ।
आईसीसी विश्व कप क्रिकेट लिग–२ अन्तर्गत त्रिदेशीय एकदिवसीय शृङ्खलामा यूएईले नामिबियामाथि १ विकेटले जित निकालेको छ। दुबई क्रिकेट मैदानमा नामिबियाले दिएको ९२ रनको सामान्य लक्ष्य यूएईले ३३ ओभरमा ९ विकेट गुमाएर भेटाएको थियो । यसअघि टस हारेर ब्याटिङ गरेको नामिबिया ३१ ओभर १ बलमा ९१ रन बनाउँदा अलआउट भयो । यो जितसँगै यूएई २७ खेलमा २९ अङ्कका साथ तालिकाको पाँचौँ स्थानमा छ । नामिबिया ३५ खेलमा ३७ अङ्कसहित तालिकाको तेस्रो स्थानमा छ ।
यो समाचार पढेर हजुरले कस्तो महसुस गर्नुभएको छ ??
