कञ्चन ।
नेपाल मगर संघ स्थापनाको ४१ औं स्थापना दिवसको अवसरमा कञ्चनमा यही फागुन १३ देखि १५ गते सम्म विविध कार्यक्रम गरिदैछ। यसै सन्दर्भमा नेपाल मगर संघ कञ्चन गाँउपालिका वडा नं १ कमिटीले ३५ बर्षभन्दा माथी उमेर समूहका फुटवल टिमबिच फुटवल प्रतियोगिता सञ्चालन भएको छ। प्रतियोगिताको उद्घाटन गाउपालिका उपाध्यक्ष मौसमी थापा मगरले गर्नुभयो। नेपाल मगर संघ, कञ्चन गाउ कमिटीद्वारा आयोजित विभिन्न कार्यक्रमहरुको औपचारिक उद्धघाटन पर्सी फागुन १३ गते देखि हुनेछ।
स्थापना दिवसको अवसरमा महिला तथा पुरुष भलिवल प्रतियोगिता, साँस्कृतिक नृत्य, शटपुट, तारो हान्ने जस्ता खेलकुद कार्यक्रमको आयोजना हुनेछ। यो बर्ष कञ्चनमा नेपाल मगर संघको स्थापना दिवस जनज्योती माध्यमिक बिद्यालयको खेलमैदान कञ्चन १ दानापुरमा हुदैछ। आज वडा नं ४ र वडा नं २ बिच भएको प्रतिस्पर्धामा वडा नं २ ले वडा नं ४ लाई १० गोल अन्तरले पराजित गरेको थियो।
