भैरहवा ।
भैरहवामा जारी नेपाल टेलिकम रुपन्देही सुपरलिग क्रिकेट प्रक्रियोगिता अन्तर्गत डिभिजन ‘ए’को आइतबारको खेलमा मेलवर्न क्रिकेट क्लब विजयी भएको छ। मेलवर्नले मल बुटवल राइनोजलाई ८ विकेटले पराजित गर्दै जित निकालेको हो। सिद्धार्थ रंगशालामा भएको खेलमा टस हारेर ब्याटिङको निम्तो पाएको बुटवलले निर्धारित ५० ओभरमा खेलमा २३.२ ओभरमा सबै विकेट गुमाउँदै ५९ रनको झिनो योगफलमा रोकियो ।
जवाफी ब्याटिङ गरेको मेलवर्नले ९.१ ओभरमा २ विकेटको नोक्सानीमा ६३ रन बनाउँदै जित निकालेको थियो । मेलवर्नमा विष्णु कटरिया म्यानअफ द म्याच भई एक हजार रुपैयाँबाट पुरस्कृत भएका छन। चैत्र ३ गतेसम्म चल्ने प्रतियोगितामा बिजेताले १ लाख रुपैयाँ र ट्रफी तथा उपबिजेताले ५० हजार र ट्रफी प्राप्त गर्नेछन।
यो समाचार पढेर हजुरले कस्तो महसुस गर्नुभएको छ ??
