३ चैत्र, भैरहवा ।
रुपन्देहीको सिद्धार्थनगर नगरपालिकाबाट छोटाहात्ती चोरी गर्ने दुई व्यक्ति पक्राउ परेका छन। यही चैत्र १ गते बुधवार रातको समयमा जिल्ला रुपन्देही सिद्धार्थ नगारपालिका वडा नं ८ अन्नपुर्ण टोल स्थित भित्री सडक छेउमा रोकी राखेको कुन्दन श्रेष्ठको नाममा दर्ता रहेको लु १ च ७८२२ नम्वरको छोटाहात्ती चोरी गर्ने दुई व्यक्तिलाई पक्राउ गरिएको जिल्ला प्रहरी कार्यालय रुपन्देहीका प्रहरी नायव उपरीक्षक तथा प्रवक्ता श्यामु अर्यालले जानकारी दिनुभएको छ । पक्राउ पर्नेहरुमा जिल्ला रुपन्देही सिद्धार्थनगर नगरपालिका वडा नम्बर ८ बस्ने वर्ष अन्दाजी २३ का रिवेश गुरुङ र सोही नगरपालिका वडा नं ३ बस्ने वर्ष अन्दाजी २४ का बिबेक परियार रहेका छन।
सडक छेउमा रोकी राखेको छोटाहात्ती चोरी गर्ने उनीहरुलाई आज सार्वजनिक गरिएको हो । अपरिचित व्यक्तिहरुले छोटाहात्ती चोरी लगेको भन्ने सूचना प्राप्त हुनासाथ जिल्ला प्रहरी कार्यालय रुपन्देहीबाट खटिएको प्रहरी टोली खोजतलास गर्ने क्रममा आज करिब २ बजेको सिद्धार्थनगर ९ स्थित नालन्दा स्कुल पछाडी रहेको खाली खेतमा रोकी राखेको अबस्थामा फेला परेको हो । सो गाडी भित्र शंकास्पद रुपमा बसिरहेका गुरुङ र परियारलाई ब्यक्तिहरुलाई अनुसन्धान गर्दा निजहरुले नै चोरी गरी लगोको खुल्न गएको प्रवक्ता अर्यालले बताउनुभयो । पक्राउ परेका दुईमाथी जिल्ला अदालतबाट ५ दिनको म्याद थप गरी अनुसन्धान कार्य भईरहेको रुपन्देही प्रहरीले जनाएको छ ।
