भैरहवा।
भैरहवाको पक्लिहवा कृषि क्याम्पस, स्वतन्त्र विद्यार्थी युनियन (स्ववियु)को सभापतिमा नेपाल विद्यार्थी संघ (नेविसंघ) का प्रविन बस्याल विजयी भएको हुनुभएको छ। क्याम्पसमा हिजो बुधबार निर्वाचन भएको थियो । निर्वाचनमा अनेरास्ववियु र नेविसंघीच तालमेल भएको थियो । सचिवमा अनेरास्ववियुका हरिकृष्ण पोखरेल र कोषाध्यक्षमा प्रविण बुढाथोकी निर्वाचित भएका छन् ।
त्यसै गरी सदस्यहरुमा अनेरास्ववियुका ३ जना र नेविसंघका २ जना विजयी भएका छन् । अनेरास्ववियुका तर्फबाट विवेक खनाल, उर्मिला क्षेत्री र आशुतोष अधिकारी निर्वाचित भएका हुन् । नेविसंघको तर्फबाट प्रकृति घिमिरे र सुदिप शर्मा तिमिल्सिना विजयी भएको निर्वाचन अधिकृत दिपक खनालले जानकारी दिनुभयो ।
यो समाचार पढेर हजुरले कस्तो महसुस गर्नुभएको छ ??
