२७ चैत्र, काठमाण्डौ ।
गएको २४ घण्टामा देशभर एक सय २४ जनामा कोरोना सङ्क्रमण पुष्टि भएको छ। स्वास्थ्य तथा जनसङ्ख्या मन्त्रालयले पीसीआर र एन्टीजेन गरेर दुई हजार पाँच सय ६६ जनाको नमुना परीक्षण गर्दा एक सय २४ जनामा सङ्क्रमण देखिएको जनाएको छ। सोही अवधिमा २९ जना कोरोना सङ्क्रमित निको भएका छन् भने कोरोना सङ्क्रमितको सङ्ख्या चार सय ४४ जना पुगेको मन्त्रालयले जनाएको छ । कोरोना भाइरसको सङ्क्रमण बढेसँगै सरकारले स्वास्थ्यका मापदण्डको पूर्ण पालना गर्न आग्रह गरेको छ ।
यो समाचार पढेर हजुरले कस्तो महसुस गर्नुभएको छ ??
