काठमाण्डौ ।
सगरमाथामा हिमपहिरो झरेको छ। हिमपहिरोमा परि तीन जना बेपत्ता भएका छन् । सगरमाथा प्रदूषण नियन्त्रण समिति एसपीसीका अध्यक्ष लामाकाजी शेर्पाले आरोहीहरूको सामान लिएर सगरमाथाको आधार शिविरबाट पहिलो शिविर जाँदै गरेका उनीहरू हिमपहिरोमा परेका बताउनुभयो । बेपत्ता हुनेमा खुम्बु पासाङ ल्हामु गाउँपालिका–५ का तेन्जिङ शेर्पा, लाक्पा रिता शेर्पा र बादुरे शेर्पा रहेका छन् । उनीहरू इम्याजिन ट्रेक प्रालिबाट सगरमाथा आरोहणमा गाइडको भूमिकामा रहेका थिए । उनीहरूको खोजीका लागि प्रयास भइरहेको भएपनि खोँच रहेका कारण सफल नभएको अध्यक्ष शेर्पाले बताउनुभयो । उद्धारका लागि एसपीसीसीको टोली घटनास्थलमा रहेको छ ।
यो समाचार पढेर हजुरले कस्तो महसुस गर्नुभएको छ ??
