नेपालगञ्ज ।
नेपालगञ्ज विमानस्थलबाट ब्राउन सुगरसहित एक युवक पक्राउ परेका छन। विमानस्थल सुरक्षा गार्डको प्रहरी टोलीले शुक्रबार बिहान जाँचका गर्ने क्रममा ब्राउन सुगर सहित कैलालीको घोडाघोडी नगरपालिका–२ बस्ने २२ वर्षीय अमुल क्षेत्रीलाई काठमाडौँतर्फ जान लागेका बेला पक्राउ गरिएको हो। उनको साथबाट ४५ ग्रामको ब्राउन सुगर बरामद गरिएको बाँके प्रहरीले जनाएको बताएको छ। पक्राउ परेका क्षेत्रीमाथि थप अनुसन्धान भइरहेको प्रहरीले जनाएको छ।
यो समाचार पढेर हजुरले कस्तो महसुस गर्नुभएको छ ??
