बुटवल ।
करेन्ट लागेर गम्भिर घाईते भएका बुटवलका उद्योगी खेमबहादुर श्रीसको आइतबार बिहान निधन भएको छ। एक महिनाअघि नवलपरासीको बर्दघाटमा विद्युतको काम गर्दै गर्दा उनलाई करेन्ट लागेको थियो । ५७ वर्षीय श्रीस नेपाल उद्योग व्यापार महासङ्घका केन्द्रीय सचिवालय सदस्य, महासङ्घ लुम्बिनी प्रदेश कार्यवाहक अध्यक्ष एवं उद्योग व्यापार सङ्घ बुटवलका पूर्व अध्यक्ष समेत थिए । बुटवल औद्योगिक क्षेत्रको बुटवल इलेकट्रोनिक्स एन्ड ट्रान्सफर्मर उद्योगका सञ्चालक श्रीसको निधनले बुटवलको औद्योगिक क्षेत्रलाई ठुलो क्षति पुगेको उद्योग व्यापार सङ्घ बुटवलले जनाएको छ ।
यो समाचार पढेर हजुरले कस्तो महसुस गर्नुभएको छ ??
