कञ्चन।
रुपन्देहीको गैडहवा भईरहेको गैडहवा गाँउपालिका अध्यक्ष कप नकआउट फुटवल प्रतियोगिता अन्तर्गत वडा स्तरिय मैत्रीपुर्ण फुटवल प्रतियोगिताको अन्तिम प्रतिस्पर्धामा देउराली टोल विकास संस्था विजयी भएको छ। देउराली टोल विकास संस्था र देविनगर टोल विकास संस्था बिच भएको अन्तिम प्रतिस्पर्धामा देउरालीले देनिगरलाई ४१ गोल अन्तरले पराजित गर्दै विजयी भएको हो। ९० मिनेटको निर्धारित समयसम्म दुबै टिमबाट कुनैपनि गोल हुन नसकेपछि प्रतिस्पर्धालाई ट्राइब्रेकरमा टुंगो लगाइएको न्यु एभरेष्ट युवा क्लवका अध्यक्ष प्रकाश ठकुरीले जानकारी दिनुभएको छ।
गैडहवा गाँउपालिका संरक्षक रहेको प्रतियोगिता अन्तर्गत आजबाट प्रतियोगिताको सेमी फाइनल चरणका खेलहरु शुरु हुने छ। आज लिस्नु युवा क्लव र गोल बजार सिरहाबिच पहिलो सेमीफाइनलको खेल हुने खेल संयोजक खेम पुनले जानकारी दिनु भएको छ। गैडहवा गाउपालिकाका ९ वटै वडाहरुको आर्थिक सहयोगमा न्यू एभरेष्ट युवा क्लवको आयोजनामा वडा नं. ८ को देविनगर खेल मैदानमा सञ्चालित प्रतियोगितामा विजेता टिमले २ लाख २ हजार २२२ रुपैया तथा उपविजेता टिमले १ लाख १ हजार १११ रुपैया सहित कप र मेडल प्राप्त गर्ने क्लवका अध्यक्ष ठकुरीले जानकारी दिनु भएको छ। प्रतियोगिताको फाइनल खेल यही बैसाख ९ गते हुने छ।
