गुल्मीमा जिप दुर्घटना हुँदा एक जनाको मृत्यु

१४ बैशाख, बुटवल ।

गुल्मीमा जिप दुर्घटना हुँदा एक जनाको ज्यान गएको छ भने एक जना घाइते भएका छन। बुधबार राति १० बजेतिर जिल्लाको मालिका गाउँपालिका २ खल्टिङ्ग्खोला भन्ने स्थानमा लु १ च ९९११ नम्बरको जिप दुर्घटना हुँदा बागलुङको बढिगाड गाउँपालिका बलघासका १८ वर्षीय किशोर केसीको मृत्यु भएको प्रहरीले जनाएको छ ।
उनको घटनास्थलमै मृत्यु भएको र दुर्घटनामा जिप चालक २१ वर्षीय प्रेम बहादुर केसीको ढाडमा चोट लागेको जनाईएको छ । दर्लिङ्गबाट भिमगिठे तर्फ जाँदै गरेको जिप एक्कासि ब्रेक फेल भई सडक देखि करिब १५० मिटर तल खसेको थियो ।